Azərbaycan, Bakı, 23 may /Trend/
Gəncədə yaxın vaxtlarda yeni Dram Teatrı binasının təməli qoyulacaq. Trend-in Kəpəz TV-yə istinadən verdiyi məlumata görə,bu barədə Gəncə şəhər İcra Hakimiyyətinin başçısı Elmar Vəliyev bildirib.
1932-ci ildən fəaliyyət göstərən Gəncə Dövlət Dram Teatrı üçün yeni binanın Gəncəçayın sağ sahilində tikilməsi nəzərdə tutulur.
E.Vəliyev qeyd edib: "Cənab prezidentin tapşırığına əsasən, artıq Gəncədə yeni filarmoniyanın tikintisinin tezliklə başa çatdırılması və Dram Teatrının tikintisi üçün vəsait ayrılıb. Və çox qısa zamandan sonra təməlqoyma mərasimi keçiriləcək".