Bakı. Ceyhun Ələkbərov - Trend:
Ötən gecə paytaxtda "Range Rover" markalı avtomobil piyadanı vurub.
Trend-in məlumatına görə, hadisə Binəqədi rayonu, 9-cu mikrorayon, Mir Cəlal küçəsində baş verib.
"BolMart" supermarketinin qarşısında ağ rəngli "Range Rover" markalı avtomobil piyada, 1991-ci il təvəllüdlü Tural Məmmədovu vurub. Sürücü piyadanı vurduqdan sonra hadisə yerindən qaçmaq istəsə də, digər avtomobillə toqquşub.
Hadisə nəticəsində T.Məmmədli kəllə-beyin travması ilə 1 saylı Kliniki Tibbi Mərkəzin reanimasiya şöbəsinə yerləşdirilib.
Klinikadan verilən məlumata görə, xəstənin vəziyyəti ağır dəyərləndirilir.