Bakı. Trend:
Milli Məclisdə içməli su problemi, suyun keyfiyyəti və onun təmizlənməsi texnologiyaları barədə müzakirələr təşkil ediləcək.
Trend-in məlumatına görə, bu məsələ Milli Məclisin Təbii ehtiyatlar, energetika və ekologiya komitəsinin yaz sessiyası üzrə İş planına daxil edilib.
İş planına, həmçinin, suvarma mövsümünə hazırlıq işlərinə dair müzakirələr daxil edilib.
Bundan əlavə, komitə ekologiya sahəsində ixtisaslaşmış QHT-lərlə görüşlərin və müzakirələrin aparılmasını, Cop 27-nin nəticələri və Qlobal iqlim dəyişikliyinin Azərbaycana təsiri ilə bağlı müzakirələrin keçirilməsini nəzərdə tutur.