Bakı. Trend:
Ödənişli “X” (keçmiş “Twitter”) abunəçiləri üçün video yükləmə funksiyası gəlib.
Trend-in məlumatına görə, “X Blue” abunəçiləri artıq vebsayt vasitəsilə platformada video yükləmək imkanı əldə edəcəklər. Bununla belə, videoları yükləmək üçün bəzi şərtlər tələb olunur.
Birinci tələb təsdiqlənmiş istifadəçi olmaqdır. İkinci tələb yüklənəcək videonun sahibinin yükləməyə icazə verməsidir. Belə ki, videonu paylaşan şəxs icazə verməsə, istifadəçilər onu endirə bilməyəcək.
İlon Mask funksiyadan necə istifadə edəcəyini də izah edib. Müvafiq olaraq, yükləmək üçün saytda açdığınız video tam ekran rejimində olmalıdır. Bundan sonra videonu yuxarı sağ küncdəki “...” üç nöqtəli işarəyə klikləməklə yükləmək olar. İ.Mask bildirir ki, bu, tezliklə mobil telefona yükləməni asanlaşdıracaq və funksiyanı sadəcə məzmunu sıxılı tutmaqla həyata keçirmək mümkün olacaq.