Azərbaycan, Bakı, 12 iyul /Trend, müxbir K.Zərbalıyeva/
Kürdəmir rayonu ərazisində ağır yol qəzası olub, 1 nəfər ölüb, 6 nəfər xəsarət alıb.
Trend-in Fövqəladə Hallar Nazirliyinin internet saytına istinadən yaydığı məlumata görə, Kürdəmir-Hacıqabul şosesinin 35-ci km-də "VAZ" markalı minik avtomobili ilə "KAMAZ" markalı yük avtomobili toqquşub.
Nəticədə "VAZ" markalı avtomobilin sürücüsü və 5 sərnişin xəsarət alıb.
Hadisə zamanı avtomobildə olan Elmira Vəli qızı Seyidova həlak olub.
Yaralılar və həlak olmuş şəxsin cəsədi xilasedicilər çatana kimi yerli sakinlər tərəfindən deformasiyaya uğramış avtomobildən çıxarılaraq aidiyyəti üzrə təhvil verilib.
Faktla bağlı araşdırma aparılır.