Azərbaycan, Bakı, 17 yanvar /Trend, müxbir K.Zərbalıyeva/
Bu gecə saat 23:00 radələrində Bakının Nəsimi rayonunda beşmərtəbəli yaşayış binasında baş verən yanğında ölən və xəsarət alan olmayıb. Bu barədə Trend-ə Nəsimi Rayon Polis İdarəsinin növbətçi hissəsindən məlumat verilib.
Yanğın dünən gecə saat 23:30 radələrində Rəşid Behbudov küçəsi 20 ünvanında yerləşən beşmərtəbəli binanın sonuncu mərtəbəsində baş verib. Yanğın sonradan yayılaraq binanın damına keçib. Yanğın binanın digər mərtəbələrinə keçməsinin qarşısı alınıb.
Hadisə yerinə 7 yanğınsöndürmə briqadası, həmçinin təcili yardım maşını gəlib.
Yanan binanın sakinləri Fövqəladə Hallar Nazirliyinin əməkdaşları tərəfindən təxliyə olunub.
Nazirlikdən bildirilib ki, hadisə ilə bağlı bu gün rəsmi məlumat yayılacaq.