Azərbaycan, Bakı, 13 mart /Trend/
ABŞ Prezidenti Barak Obama Pentaqon rəhbərliyinə Qəndəharda amerikalı hərbçinin bir neçə dinc əfqanı güllələməsi insidentini diqqətlə araşdırmağı əmr edib. Bu barədə çərşənbə axşamı Trend RİA Novosti-yə istinadən məlumat verir.
"Mən Müdafiə Nazirliyinə baş verən hadisəni araşdırmağı və burada bütün günahkarları müəyyənləşdirməyi əmr etmişəm. Bu insidentdə iştirak edənlərin hamısı məsuliyyət daşımalıdır", - Obama Ağ evdə çıxışında deyib.
Onun sözlərinə görə, ABŞ-da bu insidenti çox ciddi qəbul ediblər.
"ABŞ-da baş verən hadisəni bütün ciddiliyə ilə qəbul ediblər. Bizim üçün bu, insidentdə ABŞ vətəndaşları və uşaqlarının ölməsi ehtimalı qədər çətindir", - ABŞ Prezidenti vurğulayıb və qeyd edib ki, ölkənin hərbi rəhbərliyindən baş verən hadisə ilə bağlı izahat tələb edəcək.
Obama, həmçinin yenidən qeyd edib ki, ABŞ Əfqanıstandan kontingentini təyin edilmiş müddətdə - 2014-cü ilin sonunadək çıxartmağı planlaşdırılır.
Qeyd edək ki, ISAF kontingentinin tərkibində xidmət edən çavuş (adı açıqlanmır) bazar günü Qəndəhar əyalətində 16 dinc sakini, o cümlədən 9 uşağı güllələyib.