Azərbaycan, Bakı, 19 aprel /Trend, müxbir K.Zərbalıyeva/
Penitensiar Xidmətin və Qobustan həbsxanasının əməliyyat aparatları tərəfindən müəssisəyə qadağan olunmuş əşyaların keçirilməsi cəhdinin qarşısı alınıb.
Penitensiar Xidmətin İctimaiyyətlə əlaqələr şöbəsindən cümə axşamı Trend-ə bildirilib ki, aprelin 18-də həyata keçirilmiş əməliyyat-axtarış tədbirləri nəticəsində Qobustan həbsxanasında cəza çəkən 1985-ci il təvəllüdlü, Azərbaycan Respublikası Cinayət Məcəlləsinin 177.2.2; 177.2.3-cü maddəsi ilə təqsirli bilinərək 3 il 6 ay müddətinə azadlıqdan məhrum edilmiş məhkum Əsgərov Nazim Xəlil oğluna bibisi oğlu İslamzadə Üzeyir Telman oğlunun gətirdiyi sovqata baxış keçirilən zaman baş soğanın içərisindən ümumi çəkisi 0,375 qram olan narkotik maddə - heroin və 4,121 qram olan narkotik maddə - tiryək aşkar edilərək götürülüb.
Fakt üzrə araşdırma aparılır.
Məqalə müəllifi ilə əlaqə ünvanı news@trend.az
Bizi Twitter-dən izləyin @trend_az
Trend-in ən mühüm və maraqlı xəbərlərini "Telegram"da izləyin
