Azərbaycan, Bakı, 5 oktyabr /Trend, müxbir K.Zərbalıyeva/
Bakı-Quba yolunda ağır qəza olub, ölən var.
Trend-in Daxili İşlər Nazirliyinin rəsmi saytına istinadən verdiyi məlumata görə, Abşeron rayonunda Bakı-Quba avtomobil yolunun 7-ci kilometrliyində "VAZ" markalı minik avtomobili yol kənarındakı dəmir qoruyucu çəpərə çırpılıb.
Dərhal Nazirliyin müvafiq xilasetmə qüvvələri hadisə yerinə cəlb olunub. Hadisə yerində əməliyyat şəraiti qiymətləndirilərkən məlum olub ki, sürücü - 1975-ci il təvəllüdlü Əli Rafiq Əhməd oğlu ölüb.
Xilasedicilər təhlükəsizlik qaydalarına riayət etməklə xüsusi alət və avadanlıqlar vasitəsilə cəsədi deformasiyaya uğramış avtomobildən çıxarıb və aidiyyəti üzrə təhvil verib.