Azərbaycan, Bakı, 29 oktyabr /Trend, müxbir A.Tağıyeva/
Ötən gün ərzində Suriyanın müxtəlif rayonlarında Azad Suriya Ordusu ilə hökumət qüvvələri arasında baş vermiş toqquşmalarda ən azı 131 nəfər həlak olub. Trend-in məlumatına görə, bu barədə bazar ertəsi "Əl-Cəzirə" telekanalı xəbər verib.
Həlak olanların əksəriyyəti Dəməşq və Homs şəhərlərinin sakinləridir.
Bundan əvvəl Suriya hakimiyyəti İd əl-Ədha (Qurban bayramı) zamanı ölkədə atəşkəs barədə razılıq əldə etmişdi. Buna baxmayaraq, atəşkəs rejimi dəfələrlə pozulub, ölkədə bir neçə partlayış baş verib və bunların nəticəsində əsasən dinc sakinlər, o cümlədən uşaqlar həlak olublar.
Məqalə müəllifi ilə əlaqə ünvanı news@trend.az
Bizi Twitter-dən izləyin @trend_az
Trend-in ən mühüm və maraqlı xəbərlərini "Telegram"da izləyin
.jpg)
