Azərbaycan, Bakı, 14 dekabr /Trend, müxbir K.Zərbalıyeva/
Bu gün Ağdamda avtomobil təmiri sexində partlayış olub, xəsarət alan var.
Trend-in FHN-nin rəsmi saytına istinadən verdiyi məlumata görə, Ağdam rayonu, Quzanlı qəsəbəsində vətəndaşa məxsus avtomobil təmiri sexinin ərazisində 6 kv.m sahədə məişət tullantıları və yağ çəlləyi yanmışdır.
Yağ çəlləyi yanarkən partlama hadisəsi baş vermişdir. Hadisə zamanı yoldan keçən 1 nəfər yanıq xəsarətləri almış və xəstəxanaya aparılmışdır. Yaxınlıqdakı sex yanğından mühafizə olunmuşdur. Hadisə ilə əlaqədar müvafiq qurumlar tərəfindən araşdırma aparılır.