Azərbaycan, Bakı, 23 yanvar / Trend müxbir M.Əliyev/
Qadınları cinsi istismara məruz qoymaq məqsədi ilə Türkiyə və Dubaya aparan şəxslər saxlanılıblar.
Trend-in Daxili İşlər Nazirliyinin rəsmi saytına istinadən verdiyi məlumata görə, İnsan Alverinə Qarşı Mübarizə İdarəsi əməkdaşlarının həyata keçirdikləri əməliyyat-axtarış tədbirləri nəticəsində Gəncə şəhər sakini, əvvəllər məhkum olunmuş Şəfiqə Zeynalova gəlir əldə etmək məqsədilə qadınları Türkiyəyə apararaq cinsi istismara məruz qoymasına görə saxlanılıb.
İdarəsi əməkdaşlarının həyata keçirdikləri digər əməliyyat-axtarış tədbirləri nəticəsində Sumqayıt şəhər sakini Təranə Ağayeva da gəlir əldə etmək məqsədilə qadınları Birləşmiş Ərəb Əmirliklərinin Dubay Əmirliyinə apararaq cinsi istismara məruz qoymasına görə saxlanılıb.