Azərbaycan, Bakı, 13 mart /Trend, müxbir İ.İzzət/
Biləsuvarda gömrükçülər itin köməyi ilə həşiş qətranı aşkar ediblər.
Dövlət Gömrük Komitəsinin mətbuat xidmətindən Trend-ə verilən məlumata görə, Biləsuvar Gömrük İdarəsinin "Qoşa Təpə" gömrük postunda İran İslam Respublikası ərazisindən keçməklə Naxçıvan Muxtar Respublikasından Azərbaycan Respublikasına gələn Azərbaycan vətəndaşı Rasim Alquliyevin idarə etdiyi "Qaz-2747" markalı yük avtomobilinə xidməti itin tətbiqi ilə baxış keçirilib.
Baxış zamanı xidməti itin reaksiyasına əsasən avtomobilin alt tərəfinə baxış keçirilib və aşkarlanmasını çətinləşdirən üsuldan istifadə etməklə gömrük nəzarətindən gizlədilmiş 1 ədəd bükümdə, xalis çəkisi 50,14 qram olan narkotik vasitə - həşiş qətranı aşkar olunaraq götürülüb.
Faktla bağlı araşdırma aparılır.