...

Sərnişin avtobusu ilə minik avtomobili toqquşub, ölən və yaralananlar var

Hadisə Materials 19 İyul 2013 11:06 (UTC +04:00)
Ani ehtiyatsızlıq 19 yaşlı sürücünün həyatına son qoyub.
Sərnişin avtobusu ilə minik avtomobili toqquşub, ölən və yaralananlar var

Trend-i buradan izləyin

Azərbaycan, Bakı, 19 iyul /Trend/

Ani ehtiyatsızlıq 19 yaşlı sürücünün həyatına son qoyub.

Trend Cənub TV-yə istinadən xəbər verir ki, Salyan rayonunda ağır yol-nəqliyyat hadisəsi baş verib. Qəza nəticəsidə 1 nəfər ölüb, 5 nəfər isə müxtəlif dərəcəli bədən xəsarətləri alıb.

Hadisə iyulun 19-u Ələt-Astara magistralının 77-ci kilometrliyində Salyan rayonunun Dayıkənd kəndi ərazisində qeydə alınıb.

Adıçəkilən ərazidə sərnişin daşıyan mikroavtobusla "Mersedes" markalı minik maşını qarşı-qarşıya toqquşub. Zərbə güclü olduğundan hər iki maşının ön hissəsi ciddi zədələnərək yararsız hala düşüb.

Qəza nəticəsində "Mersedes"in sürücüsü, Lənkəran şəhər sakini 19 yaşlı Rahib Mais oğlu Şərifzadə hadisə yerindəcə keçinib. Mikroavtobusun sürücüsü, Astara rayon sakini 30 yaşlı Vidadi Vizali oğlu Dadaşov, sərnişinlərdən 13 yaşlı Biləsuvar sakini Hüseyn İkram oğlu Nuruzadə, Bakı sakini 18 yaşlı Davud Telman oğlu Qəniyev, Cəlilabad sakini 21 yaşlı Vüqar Yavər oğlu Əmənov və hələlik şəxsiyyəti məlum olmayan daha bir nəfər müxtəlif dərəcəli ağır bədən xəsarətləri alıblar.

Hadisə yerinə YPX-nin əməkdaşları və təcili yardım maşını gəlib. Yaralılar dərhal təcili yardım maşını ilə Salyan Rayon Mərkəzi Xəstəxanasına çatdırılıblar. Xəstəxanada həkimlər tərəfindən onlara ilk tibbi yardım göstərilib.

İlkin ehtimala görə, qəzanın baş verməsinə səbəb "Mersedes"in ötmə əməliyyatı zamanı mikroavtobusun yoluna çıxması olub. Faktla bağlı BDYPİ-nin istintaq və təhqiqat şöbəsində cinayət işi açılıb, araşdırmalar aparılır.

Məqalədə:
Xəbər lenti

Xəbər lenti