Azərbaycan, Bakı, 19 oktyabr / Trend, müxbir M.Əliyev/
Üç paytaxt sakini qadınları fahişəliyə cəlb etdiklərinə və əxlaqsızlıq yuvası təşkil etdiklərinə görə saxlanılıb.
Daxili İşlər Nazirliyindən (DİN) Trend-ə verilən məlumata görə, İnsan Alverinə Qarşı Mübarizə İdarəsi əməkdaşlarının keçirdikləri əməliyyat tədbirləri nəticəsində Bakı şəhər sakinləri Ayşən Əliyeva və Məlahət Hüseynova gəlir əldə etmək məqsədi ilə qadınları fahişəliyə cəlb etdiklərinə və Bakı şəhəri Xətai rayonu ərazisindəki mənzillərində, Leyla Babayeva isə 2-ci Zabrat qəsəbəsi ərazisindəki kafedə əxlaqsızlıq yuvası təşkil etdiklərinə görə saxlanılıblar.