Azərbaycan, Bakı, 19 iyun /Trend/
Xudatda VAZ 2106 qəza törədib, 4 nəfər xəsarət alıb.
Trend Regional TV-yə istinadən xəbər verir ki, VAZ 2106 markalı avtomobil yolun kənarındakı daş hasara çırpılıb. Nəticədə avtomobildə olan sürücü və 3 sərnişin müxtəlif bədən xəsarətləri ilə Quba Mərkəzi Rayon Xəstəxanasına yerləşdirilib.
Hadisənin yüksək sürət səbəbindən baş verdiyi ehtimal olunur. Hazırda fakt üzrə araşdırma aparılır.