Bakı. Trend:
Samuxda baş vermiş ağır yol qəzasında 2 nəfər dünyasını dəyişib, 2 nəfər isə müxtəlif bədən xəsarətləri alıb.
Trend Kəpəz TV-yə (Region TV) istinadən xəbər verir ki, Samuxun Çobanabdallı kəndinə gedən yolda ölümlə nəticələnən yol qəza hadisəsi baş verib.
Minik avtomobilinin dirəyə çırpılması nəticəsində 2 nəfər dünyasını dəyişib, 2 nəfər isə müxtəlif bədən xəsarətləri alıb.
Yaralılar Gəncə şəhər Təcili-Tibbi Yardım Xəstəxanasına yerləşdirilib.
Hadisə ilə bağlı hüquq-mühafizə orqanları tərəfindən araşdırma aparılır.