...

Sirkə turşusu ilə özünü zəhərləyənlərin çoxu qadınlar olur

Hadisə Materials 28 Noyabr 2017 20:52
Bu ilin yanvar-oktyabr aylarında Səhiyyə Nazirliyinin Kliniki Tibbi Mərkəzin (KTM) Toksikologiya şöbəsinə sirkə turşusundan zəhərlənmə ilə əlaqədar 213 nəfər müraciət edib.
Sirkə turşusu ilə özünü zəhərləyənlərin çoxu qadınlar olur

Trend-i buradan izləyin

Bakı. İlhamə İsabalayeva – Trend:

Bu ilin yanvar-oktyabr aylarında Səhiyyə Nazirliyinin Kliniki Tibbi Mərkəzin (KTM) Toksikologiya şöbəsinə sirkə turşusundan zəhərlənmə ilə əlaqədar 213 nəfər müraciət edib.

Bunu Trend-ə Səhiyyə Nazirliyinin KTM-nin Toksikologiya şöbəsinin müdiri Azər Maqsudov deyib.

Onun sözlərinə görə, sirkə turşusu içənlərin 60 faizi qadın, 40 faizi kişi olub: "Sirkə turşusu ilə özünü zəhərləyənlərin 2-si (hər ikisi kişidir) dünyasını dəyişib. Sirkə turşusu ilə zəhərlənənlər arasında 1 nəfər uşaq da olub. Həmin uşaq valideyn nəzarətindən kənarda qalaraq sirkə turşusunu qəbul edib. Ümumilikdə, sirkə turşusu içənlər arasında 30-50 yaşlı qadınlar üstünlük təşkil edir. Sirkə turşusundan zəhərlənmə ən çox ailə-məişət münaqişəsi zəminində baş verən hadisələr nəticəsində olur".

Qeyd edək ki, 2016-cı ildə Azərbaycanda 2234 nəfər kimyəvi zəhərlənməyə məruz qalıb, 57 nəfər isə kimyəvi zəhərlənmədən dünyasını dəyişib. Yalnız sirkə turşusu içməklə 2016-cı ildə 253 nəfər nəfər özünü zəhərləyib. Ötən il kimyəvi zəhərlənməyə məruz qalanların 893 nəfəri, yəni 40 faizi bunu özünə sui-qəsd etmək məqsədilə edib. Həmin xəstələrin çoxu qadınlar, xüsusilə cavan qadınlar olub. Qadınlar dərman və sirkə turşusu içməklə özlərinə sui-qəsd etmək istəyiblər.

Məqalədə:
Xəbər lenti

Xəbər lenti