...

Meşədə çətənə kolları yetişdirən şəxs saxlanılıb

Hadisə Materials 7 İyun 2018 17:13 (UTC +04:00)
Xaşmaz Rayon Polis Şöbəsinin əməkdaşlarının keçirdikləri əməliyyat tədbirləri nəticəsində kultivasiya yolu ilə yetişdirilmiş 60 ədəd çətənə kolları aşkar edilərək götürülüb.
Meşədə çətənə kolları yetişdirən şəxs saxlanılıb

Bakı. Trend:

Xaşmaz Rayon Polis Şöbəsinin əməkdaşlarının keçirdikləri əməliyyat tədbirləri nəticəsində kultivasiya yolu ilə yetişdirilmiş 60 ədəd çətənə kolları aşkar edilərək götürülüb.

Daxili İşlər Nazirliyinin mətbuat xidmətinin Quba regional qrupundan Trend-ə verilən məlumata görə, iyunun 5-də Xaçmaz RPŞ-nin əməkdaşlarının daxil olmuş məlumat əsasında keçirdikləri əməliyyat-axtarış tədbirləri nəticəsində Xaçmaz rayon Qarğalıq kəndinin ərazisində olan meşəlik ərazidə şəhər sakini, əvvəllər məhkum olunmuş Seyfəl Xasməmmədov və tanışı Tofiq Zeynalovu iş başında yaxalayıblar. Belə ki, adı şəkilən şəxslər həmin ərazidə xüsusi aqrotexniki qaydada qulluq etdikləri külli miqdarda narkotik xassəli çətənə - Kannabis bitkilərinə qulluq edən zaman saxlanılıblar. Hal şahidlərinin iştirakı ilə sahəyə baxış zamanı oradan hündürlüyü 20-60 sm olan kultivasiya yolu ilə yetişdirilmiş 59 ədəd çətənə kolları aşkar edərək götürülüb.

Əməliyyat tədbirlərinin davamı olaraq Seyfəl Xasməmmədovun evinə baxış keçirilən zaman oradan hündürlüyü 80-sm olan kultivasiya yolu ilə yetişdirilmiş 1 ədəd çətənə kolu da aşkar olunub.

Götürülmüş maddi sübutlar bioloji ekspertizaya təqdim olunub, narkotik bitkilərin ümumi çəkisinin 2300 qr olması barədə rəy verilib.

Dindirilmə zamanı həmin şəxslər qabaqcadan əlbir olduqlarını, meşəlik ərazidə insan sıxlığının olmadığından narkotik vasitələri orada əkib becərdiklərini və satış məqsədilə qulluq etdiklərini bildiriblər.

​Faktla bağlı araşdırmalar aparılır.

Məqalədə:
Xəbər lenti

Xəbər lenti