Bakı. Trend:
“Lufthansa” aviaşirkətinin Mumbai–Münxen reysini həyata keçirən təyyarəsinin kapitanı Heydər Əliyev Beynəlxalq Aeroportuna təcili eniş üçün müraciət edib. Səbəb sərnişinlərdən birinin səhhətinin qəfil pisləşməsi olub.
Aeroportun mətbuat xidmətindən Trend-ə bildirilib ki, “Airbus A350” təyyarəsi yerli vaxtla saat 06:47-də Bakı hava limanında təhlükəsiz şəkildə yerə enib.
Sərnişinə hava limanında dərhal ilkin tibbi yardım göstərilib və vəziyyəti sabitləşdirmək üçün o, təcili tibbi yardım briqadasına təhvil verilib.