Bakı.Trend:
Bu gün gecə saat 02 radələrində Oğuz rayonunun Bayan kəndi ərazisindən keçən hissəsində avtoqəza qeydə alınıb.
Trend-in məlumatına görə, Qaraməryəm-İsmayıllı -Şəki avtomobil yolunun Oğuz rayonunun Bayan kəndi ərazisindən keçən hissəsində “VAZ-2107” markalı avtomobil idarəetmədən çıxaraq işıq dirəyinə çırpılıb.
Belə ki, hadisə nəticəsində sürücü 23 yaşlı Səddam Allahverdiyev, sərnişinlər 24 yaşlı Cəmil Şərifli və 25 yaşlı Okan Həmidli xəsarət alıb.
Araşdırma aparılır.