...

Türkiyənin XİN rəhbəri Azərbaycan və Ermənistan prezidentlərinin növbəti görüşünün səmərəli olacağına ümid edir

Ermənistan-Azərbaycan münaqişəsi Materials 30 Sentyabr 2009 15:54 (UTC +04:00)
Türkiyənin xarici işlər naziri Əhməd Davudoğlu Azərbaycan və Ermənistan prezidentlərinin Kişinyovda keçiriləcək növbəti görüşünün səmərəli olacağına ümid edir.
Türkiyənin XİN rəhbəri Azərbaycan və Ermənistan prezidentlərinin növbəti görüşünün səmərəli olacağına ümid edir

Azərbaycan, Bakı, 30 sentyabr / Trend /

Türkiyənin xarici işlər naziri Əhməd Davudoğlu Azərbaycan və Ermənistan prezidentlərinin Kişinyovda keçiriləcək növbəti görüşünün səmərəli olacağına ümid edir.

Oktyabrın 9-da Moldovada MBD dövlətləri başçılarının növbəti sammiti keçiriləcək. Görüşlər çərçivəsində Azərbaycan və Ermənistan prezidentləri İlham Əliyev və Serj Sarkisyan arasındakı danışıqların növbəti raundunun baş tutması gözlənilir.

Oktyabrın əvvəlində ATƏT-in Minsk qrupunun həmsədrləri Azərbaycan və Ermənistan prezidentlərinin oktyabrın 10-da Kişinyovda planlaşdırılan görüşünün hazırlanması məqsədi ilə regiona gələcək. Bu barədə çərşənbə axşamı Trend -a rusiyalı həmsədr Yuri Merzlyakov bildirib.

"Biz Azərbaycan və Ermənistan prezidentlərinin Kişinyov görüşünə böyük ümidlər bəsləyirik", - Davudoğlu çərşənbə günü CNN Türk telekanalına bildirib.

"İndiyə qədər Dağlıq Qarabağ münaqişəsi və Azərbaycan-Ermənistan münasibətlərinin normalaşdırılması üçün çox şey edilib", - nazir bildirib.

İki Cənubi Qafqaz ölkəsi arasında münaqişə 1988-ci ildə Ermənistanın Azərbaycana qarşı ərazi iddiası irəli sürməsi zəminində yaranıb. Azərbaycan torpaqlarının iyirmi faizi, yəni Dağlıq Qarabağ ərazisi və bu əraziyə bitişik yeddi rayon Ermənistan Silahlı Qüvvələrinin işğalı altındadır. 1994-cü ildə tərəflər atəşkəs rejiminə dair razılaşma əldə ediblər və o vaxtdan bəri ATƏT-in Minsk qrupunun himayəsi altında, Rusiya, Fransa və ABŞ-ın həmsədrliyi ilə hələ də nəticəsiz sülh danışıqları aparılır.

Xəbər lenti

Xəbər lenti