Azərbaycan, Bakı, 5 avqust /Trend/
Ermənistanın müdafiə naziri Seyran Ohanyan bu gün Rusiyanın bu ölkədəki səfiri İvan Volınkinlə görüşüb.
Trend-in çərşəmbə axşamı "Armenia Today"-ə istinadən verdiyi məlumata görə, görüşün yekunu üzrə Ermənistan Müdafiə Nazirliyi və Rusiya səfirliyinin birgə bəyanatında nazir və səfir Ermənistan-Azərbaycan qoşunlarının təmas xəttində gərginliyin artmasından narahatlıqlarını bildiriblər və vəziyyətin sabitləşməsi imkanlarını müzakirə ediblər.
Tərəflər münaqişənin ATƏT-in Minsk qrupu çərçivəsində sülh yolu ilə nizamlanmasının davam etdirilməsinin zəruriliyini qeyd ediblər.