Bakı. Anaxanım Hidayətova - Trend:
Avropada hələ də həll edilməmiş münaqişələr problemi mövcuddur. Trend-in məlumatına görə, bunu AŞ PA-nın yeni seçilmiş prezidenti Pedro Aqramunt Assambleyanın sessiyası çərçivəsində çıxışında deyib.
O, həll edilməmiş münaqişələri AŞ PA üçün çağırışlardan biri adlandırıb: "Dağlıq Qarabağ, Dnestryanı, Ukraynanın şərqində və Gürcüstandakı münaqişələr hələ də nizamlanmayıb".
P.Aqramuntun sözlərinə görə, bu məsələ, eləcə də təhlükəsizliyin təmin edilməsi və miqrasiya böhranı yaxın vaxtlarda AŞ PA-nın gündəliyində əsas yer tutacaq.