Bakı. Anaxanım Hidayətova - Trend
ABŞ ATƏT-in Minsk qrupunda həmsədrini dəyişir. Trend-in məlumatına görə, bu barədə amerikalı həmsədr Ceyms Uorlik özü bəyan edib.
C.Uorlik "Twitter" səhifəsində bu il dekabrın 31-də Minsk qrupunun həmsədri vəzifəsindən gedəcəyini yazıb.
ABŞ Dövlət Departamentində 30 il çalışan diplomat "Yeqorov, Puqinski, Afanasyev və tərəfdaşları" adlı iri vəkil bürosunda işləyəcək.
Qeyd edək ki, C.Uorlik 2013-cü ilin sentyabrından Dağlıq Qarabağ münaqişəsinin nizamlanması üzrə ATƏT-in Minsk qrupunun həmsədridir.