Azərbaycan, Bakı, 21 fevral / Trend , müxbir S.Ağayeva / Azərbaycan və Yaponiya arasında energetika əməkdaşlığı Azərbaycan nümayəndəliyinin Yaponiyaya səfəri zamanı aparılan hökumətlərarası danışıqlarda prioritet olacaq.
Səfər fevralın 23-26-na nəzərdə tutulub. Nümayəndəliyə Baş nazirin müavini Abid Şərifov başçılıq edir. Fevralın 25-26-da Tokioda Azərbaycan və Yaponiya arasında iqtisadi əməkdaşlıq üzrə hökumətlərarası komissiyanın beşinci iclası keçiriləcək, - cümə axşamı Azərbaycanın Tokiodakı səfirliyindən telefonla deyiblər.
Hər iki ölkə hökumətində işlər aparılır, danışıqların gündəliyi, komissiyanın imzalanmasına çıxarılacaq sənədlər hazırlanılır. İclasın yekununda Protokol və iqtisadi sahədə daha bir neçə razılaşmanın imzalanacağı gözlənilir. Komissiyaya Şərifov və "Itocu" Şirkətinin vitse-prezidenti Akita Yakoto rəhbərlik edəcəklər.
Azərbaycan Baş nazirinin müavini Tokioda Yaponiya hökuməti ilə ikitərəfli görüşlər keçirməyi planlaşdırır, - diplomatik missiyadan bildiriblər.
