Azərbaycan, Bakı, 02 iyun// Trend , müxbir M.Əliyev/ Avropa İttifaqı Azərbaycanda KİV-in vəziyyətini izləyir. Bu barədə bazar günü Bakıda Avropa İttifaqının Cənubi Qafqaz üzrə xüsusi nümayəndəsi Piter Semnebi məlumat bildirib.
"Avropa İttifaqı Avropa Qonşuluğu çərçivəsində Azərbaycanla sıx əməkdaşlıq edir və biz media sahəsində vəziyyətin gələcək inkişafını izləyəcəyik", - xüsusi nümayəndə qeyd edib.
Azərbaycanda üç jurnalist həbsdədir - "Azadlıq" qəzetinin baş redaktoru Qənimət Zahid, onun qardaşı, qəzetin əməkdaşı Mirzə Sakit, "Gündəlik Azərbaycan" və "Realnıy Azerbaydjan" qəzetlərinin baş redaktoru Eynulla Fətullayev.
2006-cı ildə Avropa İttifaqı Azərbaycan, Ermənistan və Gürcüstanla, Qonşuluq Siyasəti Proqramı çərçivəsində, Fəaliyyət Planı imzalayıb. Bundan əlavə, Aİ və Azərbaycan Anlaşma Memorandumu da imzalayıblar. Memorandum Avropa İttifaqı və Azərbaycan arasında enerji tərəfdaşlığının yaradılmasına xidmət edir və Avropanın enerji təhlükəsziliyinin möhkəmləndirilməsinə yönəlib.
Müəlliflə əlaqə saxlamaq üçün elektron ünvan - [email protected]
