PremiumMakkeynlə nisbətən Obama Rusiya ilə əməkdaşlığa daha yaxındır

Azərbaycan, Bakı, 13 oktyabr/ Trend , müxbir V.Javoronkova/ Rusiyaya їşər imperiyasıї kimi baxışların çox dərindən kök saldığı Makkeyndən fərqli olaraq, öz praqmatikliyinə görə, Obama yəqin ki, Moskvaya qarşı mənfi əhvalı dəyişəcək.
 їNamizədlər son debatlarda Rusiyaya qarşı eyni dərəcədə kəskin çıxış ediblər. Lakin mənə elə gəlir ki, Obama və Makkeynin xarici siyasət məsləhətçilərinin dairəsinə görə, Obama ilə müqayisədə, prezident Makkeyn Moskvaya qarşı daha barışmaz siyasət aparardıї, - rusiyalı müstəqil ekspert Andrey Piontkovski hesab edir.

ABŞ prezidentliyinə namizədlərin sentyabrın 26 - da və oktyabrın 7 - də keçirilən debatları zamanı bir məsələdən başqa, Barak Obama və Con Makkeynin mövqeləri müxtəlif olub ї hər iki namizəd Rusiyaya qarşı kəskin çıxış ediblər.

 Cari ilin avqustunda Gürcüstandakı hərbi əməliyyatlardan sonra ABŞ və Rusiya arasında münasibətlər kəskinləşib. Bundan əlavə, Rusiya ABŞ - ın Şərqi Avropa ölkələrində - Çexiya və Polşada yerləşdirməyi planlaşdırdığı RƏM sisteminin əleyhinədir.

  Müşahidəçilər Makkeynin, çətin ki, Rusiya ilə münasibətləri əməkdaşlıq səviyyəsinə qaytara biləcəyi rəyindədirlər.
  їMakkeyn ї  Vyetnam müharibəsinin qəhrəmanı və їsoyuq mübarizї ї adəti üzrə Rusiyaya qarşı mənfi əhval - ruhiyyədədirї, - SSRİ Kommunist Partiyasının Baş katibi Nikita Xruşşovun nəticəsi Nina Xruşşova elektron poçtla Trend - a bildirib.

 Amerikalı politoloq Endrü Qrottonun rəyinə görə, respublikaçılardan namizəd їqeyri - mühafizəkar parçadan tikilibї.

 їMakkeyn nişan almadan atəş açır və heç də həmişə hədəfə düşmürї, - Amerika Tərəqqi Mərkəzinin politoloqu Qrotto elektron poçtla Trend -a bildirib. Ekspertin rəyinə görə, o Rusiyanın G -8-dən çıxarılmasını dəstəkləyəcək və bununla da yalnız їRusiyada millətçilik odununї alovlanmasına nail olacaq. Bu, Vaşinqton və Moskva arasında siyasi vəziyyəti daha da çətinləşdirəcək.

Nyu -Yorkda The New School Universitetinin beynəlxalq münasibətlər üzrə eksperti, professor Xruşşovanın rəyinə görə, Makkeyndən fərqli olaraq, Obama Rusiya haqqında heç bir şey bilməsə də, məsləhətçiləri onda Rusiyaya qarşı fikir yaradırlar.

 Obama problemlərin həllinə yönəlmiş sərt, birbaşa diplomatiyanın lehinə çıxış edir, o, praqmatikdir, - Qrotto hesab edir.
  Moskvada Strateji Araşdırmalar Mərkəzinin direktoru Piontkovskinin rəyinə görə, Kremldə Obamanın qələbəsində maraqlıdırlar və bu gün onun ritorikası daha çox seçkiqabağı kampaniyadır. Sözsüz  ki, əvvəlki, Klinton və Buşun dövründə olan problemlər qalacaq və şəxsiyyətlər çox şeyi həll etmirlər, - Piontkovski Vaşinqtondan telefonla Trend -a bildirib.
 Obama prezident olarsa, onun Rusiya ilə münasibətlərdən baş çıxarmağa və onları rasional etməyə imkanı olacaq, - Xruşşova hesab edir. Onun rəyinə görə, bu, müəyyən vaxt tələb edəcək və ola bilsin ki, Rusiya və ABŞ arasında münasibətlər qaydaya düşənədək daha pis olacaq.
  ABŞ prezidentliyinə namizədlərdən hansının noyabrda qələbə qazanacağından asılı olmayaraq, onun əsas xarici siyasət vəzifələrindən biri ikitərəfli münasibətlərin bərpası üçün Rusiya ilə iş olacaq, - Xruşşova bildirib. Onun rəyinə görə, bu, asan olmayacaq ї Birləşmiş Ştatlar və , Rusiyanın,  Moskvanın Gürcüstana müdaxiləsindən və onun ərazi bütövlüyündən başlayaraq, NATO - nun genişləndirilməsinədək, bir çox vacib məsələlər üzrə ciddi fikir ayrılıqları var.
 Tərəflərin bütün məsələlər üzrə razılığa gələ biləcəklərinə ehtimal azdır, - Xruşşova hesab edir. Razılığa gəlmək üçün, bir tərəfdən, Rusiya їmilli triumfalizmї dərəcəsini azaltmalı, digər tərəfdən, Vaşinqton Rusiyanın, ABŞ - ın onun strateji maraqlar zonasında özünü aparmasından şikayət etməsinə qanuni əsası olduğunu qəbul etməlidir.
 Rusiyalı politoloq Mixail Remizov razıdır ki, RF ilə danışıqlar çətin olacaq. Məsələn, o, son vaxtların ən kəskin problemlərindən birini ї Şərqi Avropa ölkələrində RƏM-in yerləşdirilməsini їdekorativї adlandırır.

 ABŞ Polşa və Çexiyada raket əleyhinə müdafiə sisteminin (RƏM) yerləşdirilməsi haqqında razılıq əldə edib.
 їBütün qərarlar artıq qəbul olunub və Amerikanın rəsmi şəxslərinin dəfələrlə söylədiyi kimi, bu qərarlara yenidən baxılmayacaqї, - RF Milli Strategiya İnstitutunun prezidenti Remizov Trend - a bildirib.
  Buna baxmayaraq, Rusiya və Birləşmiş Ştatlar ən yüksək səviyyədə danışıq aparmalıdırlar,-  Qrotto hesab edir.
 їOnlar həmişə razılığa gələ bilməsələr də, əlaqə və qarşılıqlı fəaliyyət mühüm əhəmiyyət kəsb edirї, - o bildirib.

Müəlliflə əlaqə saxlamaq üçün elektron ünvan: [email protected]