Azərbaycan, Bakı, 01 dekabr/ Trend müxbir A.Hüseynbala/ Azərbaycanın "Azadlıq" bloku müxalifətin bundan sonra yaradacağı hər hansı koalisiyaya yalnız blok şəklində qoşulacaq.
"Azadlıq" bloku 2006 -cı ildən siyasi blok kimi fəaliyyət göstərir. Seçki bloku ilə siyasi blok arasında fərq böyükdür və koalisiyaya blok şəkilində qoşulacaq", - bazar ertəsi Trend - a "Azadlıq" blokunda təmsil olunan Liberal Partiyasının lideri Lalə Şövkət bildirib.
Trend - un arayışı: "Azadlıq" blokunu 2005 - ci il parlament seçkiləri ərəfəsi üç müxalif partiya - Azərbaycan Xalq Cəbhəsi, Müsavat və Demokrat partiyaları yaradıb. Parlament seçkisindən sonra Müsavat və Demokrat partiyaları bloku tərk ediblər.
İndi "Azadlıq" blokunda üç müxalifət partiyası -- Azərbaycan Xalq Cəbhəsi (AXCP), Liberal (ALP), Vətəndaş və İnkişaf (VİP) partiyaları təmsil olunur.
Onun sözlərinə görə, hər bir siyasi blok kimi "Azadlıq" blokunun da öz Nizamnaməsi, strategiyası və taktikası var: "Üç partiyanın birləşdiyi blok ötən müddətdə aktual problemlərlə bağlı birgə xeyli tədbir keçirib. "Azadlıq" da təmsil olunan partiyalar həm də uzun müddət birgə fəaliyyət göstərməyin mümkünlüyünü sübut ediblər", - ALP lideri qeyd edib.
Lalə Şövkətin fikrincə, "Azadlıq" blokunun uzunömürlü olmasının əsas səbəbi partiya liderləri arasında münasibətlərin səmimiliyidir. "Blok daxilində birincilik uğrunda mübarizə getmir, bizim ümumi fəaliyyətimizlə bağlı strategiya və taktikamız var", - ALP lideri vurğulayıb.
Məqalə müəllifi ilə əlaqə ünvanı: [email protected]
