Azərbaycan, Bakı, 02 dekabr/ Trend , müxbir A.Məhərrəmli/Avropa Şurasının Yerli və Regional Hakimiyyət Konqresinin çərşənbə axşamı keçirilən iclasında qəbul edilən Qətnaməyə əsasən, Cənubi Osetiya münaqişə zonası hesab edilir, - Avropa Şurasının Yerli və Regional Hakimiyyət Konqresində Rusiyanın nümayəndə heyətinin rəhbəri Svetlana Orlova Trend -a bildirib.
"Konqresin bu gün qəbul etdiyi Qətnaməyə əsasən, Cənubi Osetiyada yerli regional hakimiyyətlərə yardım göstəriləcək", - Orlova bildirib.
Avropa Şurasının Yerli və Regional Hakimiyyət Konqresin Strasburqda keçirilən sessiyasının əsas mövzularından biri Cənubi Qafqazda münaqişənin nəticələridir.
Avqustun 8 - də gecə Cənubi Osetiyada irimiqyaslı hərbi əməliyyatlar başlayıb. Gürcüstan qoşunları Cənubi Osetiyanın paytaxtı Tsxinvaliyə daxil olub. Sonradan Rusiya qoşunları şəhəri tutub və gürcü hərbçilərini Gürcüstan ərazisinə sıxışdırıblar. Rusiya avqustun 26 -da Abxaziya və Cənubi Osetiyanı müstəqil dövlətlər kimi tanıyıb, sentyabrın 9 - da onlarla diplomatik əlaqələr qurulub.
Orlovanın sözlərinə görə, bazar ertəsi keçirilən iclasın gündəliyində bunun Rusiya və Gücrcüstan arasında deyil, Cənubi Qafqazda münaqişə olması məsələsi dayanıb.
Bu çox vacib amildir, - Rusiyaının Federasiya Şurasının sədr müavini Orlova hesab edir. Belə ki, bu gün humanitar fəlakətin olması qəbul edilib və bu yalnız Gürcüstana aid deyil. Bu, ilk növbədə, böyük sayda dinc sakinlərin həlak olduğu Cənubi Osetiyada humanitar fəlakətdir, - Orlova hesab edir.
Orlova hesab edir ki, Konqresin qəbul etdiyi Qətnamə siyasi ambisiyalar deyil, münaqişədən zərər çəkmiş insanlara real yardım haqqındadır.
"Bu gün qəbul edilən qərar bizim bir - birimizi dinləməyi bacarmağımızdan xəbər verir", - o bildirib.
Əsas mövzulardan biri də Rusiya və NATO - nun əməkdaşlığının müzakirəsi olacaq.
Müəlliflə əlaqə saxlamaq üçün elektron ünvan: [email protected]
