Azərbaycan, Bakı, 18 dekabr/ Trend , müxbir S.Babayeva/ Yanvar-noyabr ərzində Azərbaycanda tikinti işlərinin həcmi 3,2 mlrd. manat təşkil edib ki, bu da 2007-ci ilin analoji dövrü ilə müqayisədə 61 faiz çoxdur, - Dövlət Statistika Komitəsi xəbər verir.
Tikinti işlərinin ümumi həcmindən dövlət müəssisələrinin payına 870,7 mln. manat, özəl müəssisələrin - 2 mlrd. 369,7 mln. manat düşüb.
Tikinti işlərinin ümumi həcmindən 2 mlrd. 488,4 mln. manat (76,8 faiz) yeni, bərpa edilmiş və genişləndirilmiş tikililər; 452,5 mln. manat (14 faiz) - əsaslı təmirin aparıldığı tikililər; 136,8 mln. manat (4,2 faiz) - cari təmir; 162,7 mln. manat (5 faiz) - digər işlərin payına düşüb.
Müəlliflə əlaqə saxlamaq üçün elektron ünvan: [email protected]
