Gürcüstan, Tbilisi, 05 mart / Trend , müxbir N.Kirtsxaliya /
Rusiyanın hərbi vertolyotları münaqişəli Gürcüstan-Abxaziya zonasında Gürcüstan polis postlarının üzərindən kəşfiyyat xarakterli uçuşlar həyata keçirib. Gürcüstan DİN-in bugünkü bəyanatında bildirilib.
"Bu gün saat 11.00-da Rusiyanın iki Mİ-8 və Mİ-24 vertolyotu Gürcüstanın işğal edilmiş ərazisində yerləşən Piçori kəndi istiqamətindən bu ölkənin nəzarəti altında olan ərazilərə soxulub.
"Onlar bu ərazidə yerləşən gürcü polis postlarının şəkillərini çəkmək məqsədilə uçuşlar həyata keçiriblər" - bəyanatda bildirilir.
Məlumatda həmçinin qeyd olunub ki, Rusiya vertolyotları dünən də oxşar uçuşlar həyata keçirib.
Məqalə müəllifi ilə əlaqə ünvanı: [email protected]