Azərbaycan, Bakı, 18 mart / Trend , müxbir A.Hüseynbala /
Hakim Yeni Azərbaycan Partiyasının (YAP) təsis etdiyi "Yeni Azərbaycan" referendum üzrə təşviqat qrupunun müşahidəçiləri səsvermə zamanı hər hansı qanun pozuntusu qeydə almayıblar, Trend -a YAP-dan məlumat verilib.
Azərbaycan Respublikasının Konstitusiyasına əlavə və dəyişikliklərlə bağlı ümumxalq səsverməsi (referendum) prosesini "Yeni Azərbaycan" referendum üzrə təşviqat qrupunun 5000-dən yuxarı müşahidəcisi izləyir.
"Yeni Azərbaycan" referendum üzrə təşviqat qrupunu təmsil edən müşahidəçilərin verdiyi məlumatlara görə, bütün məntəqələrdə səsvermə prosesi Azərbaycan Respublikasının Seçki Məcəlləsində nəzərdə tutulmuş vaxtda, saat 08:00-da seçicilərin yüksək fəallığı şəraitində başlanıb.
Bəzi müxalifət partiyaların təmsil olunduğu "Qarabağ və Respublika Uğrunda Hərəkat" və "Respublikaçılar" təşviqat qrupları isə yaydıqları press-relizdə səsvermə zamanı bir sıra qanun pozuntularının qeydə alındığını bildiriblər.
Məqalə müəllifi ilə əlaqə ünvanı: [email protected]