Azərbaycan, Bakı, 31 avqust / Trend , müxbir C.Babayeva /
Müxalif Azərbaycan Milli İstiqlal Partiyasının (AMİP) mətbuat və təbliğat katibi Əli Orucov bələdiyyə seçkisində namizədliyini irəli sürəcək.
"Bələdiyyə seçkisində namizədliyimi yaşadığım Binəqədi rayonu üzrə irəli sürəcəm. Partiyanın funksionerləri seçkidə fəal iştirak edib potensiallarını ortaya qoymaq niyyətindədirlər", - bazar ertəsi Trend -a Orucov özü məlumat verib.
Trend -un arayışı: Azərbaycanda bələdiyyə seçkisinin bu il dekabrın ortalarında keçirilməsi gözlənilir. May ayında Azərbaycan parlamentində qəbul olunmuş "Bələdiyyələrin birləşdirilməsi haqqında" qanuna əsasən, ölkədə bələdiyyələrin sayı 2757-dən 1766-ya enib.
Orucovun sözlərinə görə, Azərbaycan Milli İstiqlal Partiyası namizədlərini bələdiyyələrin böyük əksəriyyəti üzrə irəli sürəcək. "Müxalifət partiyalarının mövcud vəziyyətdə ölkənin bütün bələdiyyələri üzrə namizədlər irəli sürmək gücü yoxdur. Bunu etiraf etmək lazımdır", - AMİP rəsmisi deyib.
Orucov hesab edir ki, qarşıdan gələn bələdiyyə seçkisi seçicilərin yüksək fəallığı ilə keçəcək.
Trend -un arayışı: АMİP 1992-ci ildə yаrаdılаn və Аzərbаycаndа ilk dövlət qеydiyyаtınа аlınаn pаrtiyаdır. Etibar Məmmədov 2004-cü ilin sonunda partiyanın sədrliyindən istefa verdikdən sonra partiya daxilində parçalanma baş verib. Bundan sonra AMİP-in sədri olan Əli Əliyevə qarşı partiya daxilində narazılıq yarandığı zaman partiya üzvlərinin bir qismi AMİP-dən gediblər. Еtibаr Məmmədоv hаzırdа Bеynəlxаlq Dеmоkrаt İttifаqının (BDİ) sədr müаvinidir.
Məqalə müəllifi ilə əlaqə ünvanı: [email protected]