Azərbaycan, Bakı, 15 dekabr / Trend , muxbir H.Bağırov/
Azərbaycan paytaxtında rəsmi sənədləri saxtalaşdırmaqda ittiham olunan şəxsin barəsində cinayət işi başlanıb.
Nizami Rayon Polis İdarəsinin 24-cü polis bölməsindən Trend -a verilən məlumata görə, "A+A İnşaat" MMC-nin baş mühasibi, Bakı şəhər sakini, 47 yaşlı Zakir Qəşəm oğlu Quliyev şirkətin 2005-ci ilin oktyabr-noyabr aylarında olan hesabatlarını saxtalaşdırıb.
Quliyevin hesabat sənədlərini saxtalaşdırması barədə "A+A İnşaat" MMC-nin sədri Aydın Ağamalı oğlu Sahibov polisə şikayət edib.
Quliyevin barəsində Cinayət Məcəlləsinin rəsmi sənədləri, dövlət təltiflərini, möhürləri, ştampları, blankları saxtalaşdırma, hazırlma, satma və ya saxta sənədlərdən istifadə etmə (320) maddəsi ilə cinayət işi başlayıb, araşdırma aparılır.
Məqalə müəllifi ilə əlaqə ünvanı: trend@trend.az
Məqalə müəllifi ilə əlaqə ünvanı news@trend.az
Bizi Twitter-dən izləyin @trend_az
Trend-in ən mühüm və maraqlı xəbərlərini "Telegram"da izləyin
