Gürcüstan, Tbilisi, 3 iyun /Trend, müxbir N.Kirsxaliya/
Poti limanında iri həcmdə heroin aşkar edilib. "Rustavi-2" teleşirkətinin verdiyi məlumata görə, heroin mayın 26-da Antiqua və Barbudanın bayrağı altında üzən "Rok Eyci" gəmisi tərəfindən limana gətirilib.
Gəmi mayın 28-i limanı tərk edib, yükün, yəni texniki avadanlığın yoxlanışı isə bundan sonra aparılıb. Elə o zaman 100 kq heroin aşkar edilib.
Portun administrasiyası bəyan edir ki, baş verənlər barədə heç nə bilmir, çünki yükün yoxlanışını Gürcüstan DİN-in əməkdaşları aparıb.
Yükün sahibləri saxlanılıb, lakin onların adları çəkilmir.