Azərbaycan, Bakı, 21 iyun /Trend, müxbir M.Əliyev/
Avstriyanın Avropa və beynəlxalq məsələlər üzrə federal naziri Mixael Şpindelegger iyunun 22-24-nə nəzərdə tutulan səfəri zamanı Azərbaycanın Baş naziri Artur Rasizadə, xarici işlər naziri Elmar Məmmədyarov, ARDNŞ prezidenti Rövnəq Abdullayevlə danışıqlar aparacaq. Bu barədə Azərbaycan Xarici İşlər Nazirliyinin məlumatında deyilir.
Səfər çərçivəsində Avstriyanın Azərbaycandakı səfirliyinin açılışı da gözlənilir. Azərbaycan XİN rəhbəri ilə aparılan danışıqlarla bağlı mətbuat konfransının keçirilməsi planlaşdırılır.