Gürcüstan, Tbilisi, 20 iyul /Trend, müxbir N.Кirsxaliya/
Sentyabrda Gürcüstanla İran arasında vizasız rejim tətbiq olunacaq, İranın Gürcüstandakı səfiri Məcid Səmədzadə Sabir Gürcüstanın "Maestro" teleşirkətinə bildirib.
O vurğulayıb ki, bu, Gürcüstan-İran münasibətlərini möhkəmləndirməyə kömək edəcək və iki xalqın daha da yaxınlaşmasına şərait yaradacaq.
Səfir, həmçinin, Rusiya-Gürcüstan münasibətlərinin normallaşacağına ümid etdiyini bildirib. "Biz Rusiya ilə Gürcüstan arasında münasibətlərin qaydaya salınması və iki ölkənin yenidən mehriban qonşu dövlətlər olacağı zamanı arzulayırıq", - o deyib.
Sabirin sözlərinə görə, əgər Moskva və Tbilisi İrana rəsmi şəkildə vasitəçilik üçün müraciət etsə, onda "bu məsələ tədqiq ediləcək".