Azərbaycan, Bakı, 13 oktyabr /Trend, müxbir М.Əliyev/
Bu günə 640 nəfər Azərbaycanda parlament seçkilərində namizəd kimi qeydə alınıb. Bu barədə çərşənbə günü Mərkəzi Seçki Komissiyasının iclasında MSK sədri Məzahir Pənahov deyib.
Azərbaycan Mərkəzi Seçki Komissiyası oktyabrın 14-də müraciətlərə baxmağı başa çatdıracaq.
"Biz müraciətlərə baxmaqla geçikirik və hələ də bəzi daxil olan müraciətlərə baxılmayıb", - MSK üzvlərinin bir sıra şikayətlərə baxmaq müddətinin uzadılması barədə təklifləri ilə bağlı Pənahov deyib.
MSK sədri Komissiya üzvlərinə şikayətlərə baxmağı sürətləndirməyi tapşırıb.
Azərbaycanda parlament seçkiləri noyabrın 7-də keçiriləcək. Bundan əvvəlki seçkilər 2005-ci ilin noyabr ayında keçirilib. Azərbaycanda parlament seçkiləri majoritar sistem üzrə 125 seçki dairəsində aparılır.
MSK-nın çərşənbə günü keçirilən iclasında parlament seçkiləri ilə bağlı Komissiyaya edilən müraciətlərə də baxılıb.
Məqalə müəllifi ilə əlaqə ünvanı news@trend.az
Bizi Twitter-dən izləyin @trend_az
.jpg)
.jpg)
.jpg)
