Azərbaycan, Bakı, 31 yanvar /Trend, müxbir S.Ağayeva/
Macarıstanın xarici işlər naziri Yanoş Martoni martın 14-15-də Azərbaycana səfər edəcək. Bu barədə bazar ertəsi Trend-ə diplomatik mənbədən məlumat verilib.
Bu, Avropa İttifaqına sədr ölkə - Macarıstanın XİN rəhbərinin Azərbaycana ilk səfəridir.
Səfər zamanı Azərbaycan tərəfi ilə həm ikitərəfli, həm də çoxtərəfli formatda əməkdaşlıq məsələlərinin müzakirəsi gözlənilir.
Danışıqlarda əsas mövzulardan biri Aİ çərçivəsində əməkdaşlıq olacaq.
Macarıstan Aİ-yə yanvarın 1-dən sədrlik edir.