Azərbaycan, Bakı, 25 mart /Trend/
Martın 23-də Londonun Siti Universitetində (City University London) universitet tələbələrinin Tələbə Birliyinin inkişafına və dəstəklənməsinə verdiyi töhfəyə görə universitetin tələbə cəmiyyət və klublarının mükafatlandırılması ilə bağlı illik gecə keçirilib. Trend-in məlumatına görə, bu barədə Londonun Siti Universitetinin Azərbaycan icmasının məlumatında deyilir.
50-dən artıq cəmiyyət və klub müxtəlif nominasiyalarda namizəd olub və yalnız bir neçəsi mükafat alıb.
2010-cu ilin dekabrında yaradılan və qısa müddət ərzində silsilə tədbirlər təşkil edən Londonun Siti Universitetinin Azərbaycan icması 2010-cu ildə yaradılan bir çox digər cəmiyyətlər arasında "Ən yaxşı yeni cəmiyyət" kimi mükafatlandırılıb.
Universitetin Tələbə Birliyinin vitse-prezidenti Rob Skalli öz çıxışında iştirakçıların aktivliyini, keçirdikləri tədbirlərin rəngarəngliyini və maraqlılığını, Londonun Siti Universitetinin dostluq əlaqələrini yaradılması və imicinin dəstəklənməsində böyük töhfəsini qeyd edib. Vitse-prezident öz çıxışının sonunda Azərbaycan icmasının iştirakçılarına daha böyük uğurlar və yeni uğurlu layihələr arzulayıb.
Məqalə müəllifi ilə əlaqə ünvanı news@trend.az
Bizi Twitter-dən izləyin @trend_az
Trend-in ən mühüm və maraqlı xəbərlərini "Telegram"da izləyin
.jpg)
.jpg)
.jpg)
