Azərbaycan Prezidenti İlham Əliyev Argentina Respublikasının Prezidenti xanım Kristina Fernandes de Kirşneri ölkənin milli bayramı münasibətilə təbrik edib. Məlumatı Prezidentin rəsmi saytı yayıb.
"Hörmətli xanım Prezident, Argentina Respublikasının milli bayramı - May inqilabının ildönümü münasibətilə Sizə və bütün xalqınıza ən səmimi təbriklərimizi yetirirəm. Ümidvaram ki, Azərbaycan-Argentina dövlətlərarası münasibətlərinin inkişafı dostluq və əməkdaşlıq əlaqələrimizin genişlənməsi üçün yeni imkanlar açacaqdır. Belə bir xoş gündə Sizə möhkəm cansağlığı, işlərinizdə uğurlar, dost Argentina xalqına əmin-amanlıq və rifah arzulayıram", - təbrik məktubunda deyilir.