Azərbaycan, Bakı, 7 dekabr /Trend, müxbir E.Mehdiyev/
Demokratik İslahatlar Partiyası (DİP) bir sıra probleminin həllində ölkənin intellektinin cəlbinin tərəfdarıdır.
"Biz hazırda hansısa bir blok yaratmaq və hansısa partiyalarla koalisiya istiqamətində işlər aparmırıq. Sadəcə, düşünürük ki, biz bu gün Azərbaycanın bir sıra problemlərinin həllində ölkənin intellektini cəlb etməliyik, problemlərin həlli ilə bağlı konkret təkliflər hazırlamalıyıq və ölkənin çoxşaxəli islahatlarına nail olmalıyıq", - bunu çərşənbə günü Trend-ə Demokratik İslahatlar Partiyasının sədri, millət vəkili Asim Mollazadə bildirib.
O qeyd edib ki, rəhbərlik etdiyi partiya bu istiqamətdə əməkdaşlığa hazır olan və yetərincə intellektual potensiala malik Azərbaycan vətəndaşları ilə iş aparır.