Azərbaycan, Bakı, 9 aprel /Trend/
Xarici işlər naziri Elmar Məmmədyarov Braziliyanın Azərbaycana yeni təyin olunmuş səfiri Sergio Arrudanı qəbul edib.
XİN-in mətbuat xidmətindən bazar ertəsi Trend-ə verilən məlumata görə, səfir Arruda etimadnamələrinin surətini Məmmədyarova təqdim edib.
Nazir Azərbaycan-Braziliya əlaqələrinin beynəlxalq təşkilatlar çərçivəsində və ikitərəfli əsaslarda yüksək səviyyədə olduğunu qeyd edərək, yeni səfirə fəaliyyətində uğurlar arzulayıb. Məmmədyarov iki ölkə arasında müqavilə-hüquq bazasının genişləndirilməsinin vacibliyini xüsusilə vurğulayıb.
Səfir Arruda iki ölkə arasındakı münasibətlərin artan templə inkişaf etdiyini diqqətə çatdıraraq, əlaqələrin daha da genişləndirilməsinin vacibliyini diqqətə çatdırıb.