Azərbaycan, Bakı, 1 iyul /Trend/
Bakıda keçirilən Krans Montana Forumunda iştirak etmək üçün Azərbaycana gəlmiş Macarıstanın Baş naziri Viktor Orbanın rəsmi səfəri bazar günü başa çatıb.
Hər iki ölkənin dövlət bayraqlarının dalğalandığı Heydər Əliyev Beynəlxalq Aeroportunda Macarıstan hökuməti başçısının şərəfinə fəxri qarovul dəstəsi düzülmüşdü.
Macarıstanın Baş naziri Viktor Orbanı hava limanında Azərbaycanın sənaye və energetika naziri Natiq Əliyev və digər rəsmi şəxslər yola saldılar.
Forumda iştirak etmək üçün ölkəyə gəlmiş Monteneqro Prezidenti Filip Vuyanoviçin səfəri də bazar günü başa çatıb.
Hər iki ölkənin dövlət bayraqlarının dalğalandığı Heydər Əliyev Beynəlxalq Aeroportunda ali qonağın şərəfinə fəxri qarovul dəstəsi düzülmüşdü.
Monteneqro Prezidenti Filip Vuyanoviçi və xanımı Svetlana Vuyanovici hava limanında Azərbaycanın ekologiya və təbii sərvətlər naziri Hüseynqulu Bağırov və digər rəsmi şəxslər yola saldılar.