Azərbaycan, Bakı, 3 aprel /Trend, müxbir S.Əhmədova/
ABŞ-ın Nümayəndələr Palatasının Xarici İşlər Komitəsinin sədri, amerikalı konqresmen Ed Roys Azərbaycana səfər edəcək. Trend-in məlumatına görə, bu barədə ATƏT-in Minsk qrupunun amerikalı həmsədri Ceyms Uorlik öz "Twitter" səhifəsində yazıb.
C.Uorlik bildirib: "Bugün Nümayəndələr Palatasının Xarici İşlər Komitəsinin sədri, konqresmen Roys ilə görüş keçirdik. Konqresmen Roys Azərbaycana, Ermənistana və Ukraynaya səfər edəcək".
Səfərin tarixi haqqında məlumat verilmir.
ABŞ-ın Azərbaycandakı Səfirliyindən Trend-ə faktı təsdiqləyiblər.