Azərbaycan, Bakı, 4 noyabr /Trend/
Azərbaycanın xarici işlər naziri Elmar Məmmədyarov İordaniya Haşimilər Krallığının ölkəmizə yeni təyin olunmuş səfiri Nassar İbrahim Məhəmməd Əl-Habaşnehi qəbul edib.
XİN-in mətbuat xidmətindən Trend-ə verilən məlumata görə, görüş əsnasında səfir etimadnaməsinin surətini nazirə təqdim edib.
E.Məmmədyarov səfirə yeni diplomatik fəaliyyətində uğurlar arzulayıb.
Səfir N.İ.Məhəmməd Əl-Habaşneh ölkələrimiz arasında əlaqələrin daha da inkişafı üçün səylərini əsirgəməyəcəyini bildirib.