Azərbaycan, Bakı, 11 fevral /Trend, müxbir Rufiz Hafizoğlu/
Erməni lobbisinin 1915-ci il hadisələrini "soyqırım" kimi təbliğ etməsi uğurla başa çatmayacaq. Bunu Türkiyə Prezidenti Rəcəb Tayyib Ərdoğan bəyan edib. Bu barədə Trend Türkiyənin Anadolu agentliyinə istinadən xəbər verir.
Onun sözlərinə görə, erməni lobbisi qondarma "erməni soyqırımı"nın yüz illiyinin yaxınlaşması ilə əlaqədar Türkiyəyə qarşı fəaliyyətini daha da fəallaşdırıb.
Ərdoğan qeyd edib ki, Türkiyə dəfələrlə Ermənistana dostluq əlini uzadıb, lakin bütün bunlar erməni lobbisinin səyləri sayəsində nəticəsiz qalıb.
Dövlət başçısı bildirib ki, Ankara daim 1915-ci il hadisələrinin öyrənilməsi üçün arxivləri açmağa hazır olduğunu bəyan edib.