Bakı. Trend:
"Azərbaycan və İsrailin dostluğu neft və silahlanma ilə izah oluna bilməz. Bunu başa düşmək üçün siyasi və dini məsələləri kənara qoymaq və hər iki ölkənin tarixinə və mədəniyyətin onların həyatında tutduğu vacib rola diqqət yetirmək lazımdır".
Trend-in məlumatına görə, bu barədə nüfuzlu ABŞ qəzeti “The Washington Post”da dərc olunan məqalədə deyilir.
Mədəni Diplomatiya Assosiasiyasının rəhbəri, ABŞ-da Qarabağ Fondunun icraçı direktoru Diana Koen Altman məqaləsində qeyd edib:
“25 illik dostluq münasibətləri, mədəniyyət və təhsil sahəsində mübadilələr, eləcə də möhkəm iş əlaqələri müsəlman əhalinin çoxluq təşkil etdiyi ölkə ilə İsrailin uğurla əməkdaşlıq edə biləcəyi şübhələrini kənara qoyur”.