Bakı. Hüseyn Vəliyev - Trend:
Azərbaycanda qeyri-rezidentlərə “ASAN İmza” mobil elektron imzasının verilməsi sistemi istifadəyə verilib.
Trend-in məlumatına görə, bununla əlaqədar olaraq İqtisadi İslahatların Təhlili və Kommunikasiya Mərkəzi və ISESCO-nun təşəbbüsü ilə beynəlxalq konfrans keçirilib.
Konfransda qeyd olunub ki, Azərbaycan Estoniyadan sonra e-rezident statusu verən ikinci ölkə olub.
Konfrans çərçivəsində tarixdə ilk dəfə mobil rezident statusu verilib. Bu status ISESCO-nun baş direktoru Əbdüləziz bin Osman əl-Tüveycri və Avropa İttufaqının Azərbaycandakı nümayəndəliyinin rəhbəri Kestutis Yankauskasa təqdim edilib.
Qeyd edək ki, mobil rezidentlik “Bakcell” mobil operatorunun bazasında hazırlanıb.
Qeyri-rezidentlərin e-imza sertifikatlarının, eləcə də e-rezident statusunun alınması üçün müraciətləri Azərbaycanın səfirlik və konsulluqlarında qəbul edilir.
